Елімізде көктемгі су тасқынын болжайтын арнайы жүйе іске қосылды.
Су ресурстары және ирригация министрлігінің хабарлауынша, алғашқы жорамал ақпан айының басында, екіншісі наурызда шықпақ, деп хабарлайды aqshamnews.kz
Қазір Tasqyn жүйесі жаһандық GloFAS ескерту платформасына қосылды. Сол арқылы 135 өзен бойынша тасқын кезеңіне қатысты ұзақ мерзімді болжам алуға мүмкіндік бар.
«Қазір Tasqyn жүйесі ақпараттық қауіпсіздік талаптарына сәйкестігін тексеруден өтіп жатыр. Бұдан бөлек, елімізде су ресурстары және ирригация министрлігі мен Нидерланд Су білім беру институты арасындағы меморандум аясында екі шетелдік әзірлемені пайдалана отырып, су тасқынын болжау жүйесі енгізілуде. Бұл голландиялық Delft-Fews платформасына біріктірілген Talsim неміс жүйесі», – деп хабарлады ведомство өкілі.