Ақмола облысында прокуратурамен қайтарылған активтер ауыл тұрғындарын ауыз сумен қамтамасыз етуге бағытталды, - деп хабарлайды Aqshamnes.kz тілшісі.
Ақмола облысы Зеренді ауданының Ақадыр ауылында прокуратура органдары қайтарған активтер ауыл тұрғындарын ауыз сумен қамтамасыз етуге бағытталды.
Бұл қаражат есебінен ұзындығы 12 шақырым болатын су құбыры желілері мен су алу құрылыстарының құрылысы жүргізіліп жатыр.
Қазір ауыл тұрғындары ауыз суды пайдалануда шектеулерге тап болып отыр, негізгі су көзі ретінде колонкалар мен су тарату пункттері қызмет етіп жатыр. Су құбыры пайдалануға берілгеннен кейін 500-ден аса тұрғын орталықтандырылған ауыз сумен қамтылады.
Мердігер ұйым жұмыстың сапасын қамтамасыз ету мен белгіленген мерзімдерді қатаң сақтауға баса назар аударып отыр.
Құрылыс барысы мен қаражаттың мақсатты жұмсалуы облыс прокуратурасының тұрақты бақылауында.