Ақмола облысының Қоянды ауылында дүкен аумағынан шықпақ болған «Газель» автокөлігі екі жасөспірімді қағып кетті, деп хабарлайды Aqshamnews.kz тілшісі.
Алдын ала мәлімет бойынша, оқиға 31 қаңтарда болған: жүргізуші көлікті артқа жүргізу кезінде жаяу жүргіншілерді байқамай қалған. Нәтижесінде 13 және 16 жастағы мектеп оқушылары ауруханаға жеткізіліп, дәрігерлік тексеруден өтті. Дәрігерлер балалардың ауыр жарақат алмағанын анықтады.
Ақмола облыстық полиция департаменті бұл дерек бойынша түсініктеме беріп, оқиғаға қатысты қажетті іс-шаралар жүргізіліп жатқанын мәлімдеді. Қазір жүргізушінің әрекетіне құқықтық баға беріліп, жағдайдың барлық мән-жайы нақтылануда.