Apple биыл AirPods құлаққаптарына екеуара әңгімені тікелей аударатын жаңа функция енгізуді жоспарлап отыр. Бұл мүмкіндік шетел тілін білмейтіндер үшін өте пайдалы болмақ. Енді сіз басқа тілде сөйлейтін адаммен әңгімелескенде ешқандай қиындық болмайды – AirPods құлаққаптары әңгімені дәл сол уақытта аударып береді, деп хабарлайды aqshamnews.kz.
Жаңа функция қалай жұмыс істейді?
- Егер сіз қазақша сөйлесеңіз, iPhone сіздің сөзіңізді аударып, сұхбаттасушыңызға оның ана тілінде жеткізеді.
- Сол сияқты, егер сіз ағылшын тілінде сөйлессеңіз, сіз оны қазақ тілінде естисіз.
- Барлығы нақты уақыт режимінде жүреді, сондықтан әңгіме табиғи әрі еркін болады.
Бұл жаңа функция iOS 19 жаңартылған кезде пайда болады. Бұған дейін осындай функция Google Pixel Buds құлаққаптарында болған, бірақ Apple өз технологиясын мейлінше ыңғайлы әрі жылдам етіп жасауға бағытталған.
Apple компаниясы өз құлаққаптарына үнемі жаңа функциялар қосып отырады. Жаңа аударма функциясын пайдалану үшін жаңа AirPods сатып алудың қажеті жоқ – ол құлаққаптың бағдарламалық жаңартуы арқылы қосылады.
Сонымен қатар, Apple үшінші буын AirPods Pro моделін дайындап жатыр. Бұл жаңа құлаққаптар жасанды интеллектпен жабдықталып, қоршаған ортаны сараптай алатын арнайы камералармен келеді.
Apple-дің басқа жаңалықтары:
- Есту қабілеті төмен адамдар үшін AirPods-қа арнайы есту тестілеу функциясы енгізілді.
- Былтыр Apple AirPods Max құлаққаптарын жаңа түстермен шығарды.
- 2024 жылы арзан AirPods 4 үлгісі сатылымға шықты.
- Жақында Apple ең қолжетімді iPhone 16E смартфонын таныстырды, ол енді Қазақстанға да жетті.
Бұл жаңалықтар мен жаңа мүмкіндіктер Apple өнімдерін қолданып жүргендер үшін үлкен өзгеріс әкелмек.