Алматы қаласының мамандандырылған ауданаралық әкімшілік соты Алмас Кішкенбаевты ұсақ бұзақылық жасағаны үшін 15 тәулікке әкімшілік қамауға алу туралы шешім шығарды, деп хабарлайды aqshamnews.kz
Іс жабық түрде қаралып, сотта әншінің мас күйінде қоғамдық тәртіпті бұзып, жеке тұлғаға зәбір көрсеткені анықталды.
Сот ӘҚБтК-нің 434-бабының 1-бөлігі бойынша жауапкершілікке тарту туралы шешім қабылдады. Бұл бап бойынша 20 АЕК көлемінде айыппұл немесе 5-тен 15 тәулікке дейін қамау жазасы қарастырылған. Жауаптылықты ауырлататын мән-жай ретінде мас күйінде құқық бұзушылық жасағаны көрсетілді.
Сот шешімі әлі заңды күшіне енген жоқ.