Ол 70 жыл бойы бір жерде жұмыс істеген.
Англияның Сомерсет қаласының 83 жастағы тұрғыны Брайан Чорли бір компанияда 70 жылға жуық жұмыс істеп, зейнетке шығудан бас тартты, деп хабарлайды Almaty-akshamy.kz Lenta.ru cайтына сілтеме жасап.
Чорлидің айтуынша, ол алғаш рет 1953 жылы аяқ киім дүкеніне жұмысқа орналасқан. Ол кезде британдық 14 жаста болған. Ер адам жұмысқа ерте шығуының себебін отбасында ақшаның жетіспеушілігі және ата-анасына көмектескісі келетіндігімен түсіндірген.
Біраз уақыттан кейін ол жұмыс істеген аяқ киім дүкені жабылып, оның орнына сауда орталығы салынған. Ол британдық тұтынушыларға қызмет көрсетуге жауапты бөлімде жұмыс істейді, тұтынушыларды қарсы алып, оларға қолайлы жағдай жасайды.
Жақында ер адам медициналық тексеруден өткен. Тексеру қорытындысы бойынша денсаулығы жақсы болып шыққан және жұмысын жалғастыра алады.
«Мен күні бойы креслода отырғым келмейді, бұл адамды жалықтырады. Мен сыртқа шығып, адамдармен танысқым келеді», - деді Чорли.
Ол жасына қарамастан, жұмысын жалғастырып келе жатқан 95 жастағы британдық тележүргізуші және натуралист Дэвид Аттенбородан үлгі алатынын айтты.
Бұған дейін Англияның Берхамстед қаласының жас көрінетін тұрғыны өзінің тартымды келбетінің сырын ашқаны хабарланған болатын.
«Мен толығымен зейнетке шығудан бас тартамын», - деген ол еңбекті «мәңгілік жастықтың» кілті деп санайтынын айтты.