Алматыда трансгендер Амилай Баймұратова 7 тәулікке қамауға алынды. Себеп – қоғамдық орында бейәдеп сөздерді қолдану. Бұл жаза МС Donerci кафесінің жанындағы жанжалдан кейін тағайындалды, деп хабарлайды aqshamnews.kz
Соттың айтуынша, Амилай қоғамдық тәртіпті бұзып, бейәдеп сөздермен айналасын "безендірген". Ал Амилайдың өзі болса, алдымен тіл тигізген оппоненттері екенін айтып ақталуда. Айтпақшы, жанжалға қатысқан екінші тарап та дәл осындай жаза алды.
Ең қызығы – дау трансгендерлікке байланысты басталғанымен, сот бейәдеп сөздерге ғана назар аударған. Сөйтіп, Алматыда құқық қорғау органдары алдымен этика мен сөздік қор тазалығын қамтамасыз етуді шешкен сияқты.
Амилай өз кінәсін мойындады, бірақ жеті тәулік оның сөздік қорын байытуға көмектесе ме – бұл жағы әлі белгісіз.
Естеріңізге сала кетсек бұған дейін қоғамдық орындардағы тәртіпсіздік үшін қанша айыппұл төленетінін туралы жазған болатынбыз.