10 жолақты жол салынды
«Алтын Орда» базары ауданындағы жаңа негізгі жол өткелінде көлік қозғалысы ашылды. Бұл туралы ҚР Индустрия және инфрақұрылымдық даму министрлігі хабарлады.
«2021 жылғы 25 желтоқсанда Индустрия және инфрақұрылымдық даму министрі Бейбіт Атамқұлов және Алматы облысының әкімі Қанат Бозымбаевтың қатысуымен «Алтын Орда» базары аумағында Алматы-Райымбек учаскесіндегі жаңа магистральдық жол өткелінде көлік қозғалысының ашылуы өтті», - деп хабарлады ҚР ИИДМ баспасөз қызметі.
Жол учаскесінде негізгі магистральдық эстакада, «Подводка» кері өтпе жолы, Ақсай өзені арқылы өтетін көпір және биік жаяу жүргіншілер көпірлері салынды.
Сонымен қатар транзиттік, қоғамдық және жергілікті көліктер үшін инженерлік коммуникацияларды қайта жаңғырту арқылы 4 шақырымға 10 жолақты жол салынды.
Жобаны жүзеге асыруға 200-ден астам жұмысшы мен 50 техника жұмылдырылды, оның ішінде күрделі қосалқы құрылымдар мен монолитті қондырманың бүкіл ұзындығы бойынша жұмыстарды жабуға арналған жабдықтар.
«Алтын Орда», «Барлық» ірі базарлары мен «Mall Aport» сауда ойын-сауық орталығы орналасуын ескере отырып, көлік қозғалысының ашылуы осы учаскедегі өткізу қабілеттілігін арттыруға, тұрғындарға қолайлы жағдайларды жақсартуға және азаматтардың бизнес жүргізуі үшін инфрақұрылымдық мәселелерді шешуге оң әсер етеді», - делінген хабарламада.