«Eco Almaty» ЖШС мамандары моншаларды, қоғамдық тамақтану орындарын, техникалық қызмет көрсету станцияларын және басқа да нысандарды тексеріп жатыр, – деп хабарлайды aqshamnews.kz тілшісі.
Алматыда атмосфералық ауаның сапасына әсер етуі мүмкін нысандарға мониторинг жүргізу жалғасып келеді.
Жетісу ауданында бүгінде 5 жекеменшік монша, 25 қоғамдық тамақтану нысаны және 11 техникалық қызмет көрсету станциясы тексерілді.
Қоғамдық тамақтану орындарына ерекше назар аударылады. Аудандағы осындай 91 нысанның 80-і әлі де қатты отынды пайдаланады. 2026 жылдың соңына дейін олардың 69-ын электр мангалдарына көшіру жоспарланып отыр.
2027 жылдан бастап III санаттағы бірқатар нысан үшін атмосфералық ауаны қорғауға қатысты жаңа талаптар күшіне енеді. Олар экологиялық тұрғыдан таза отын түрлерін пайдалануды, шығарындыларды тазарту жүйелерін орнатуды және белгіленген экологиялық талаптарды сақтауды көздейді.
Мониторинг кәсіпкерлерді жаңа талаптар туралы алдын ала хабардар етуге және нысандарды оларды орындауға уақытылы дайындауға мүмкіндік береді.