Алматы қаласының өңірлік коммуникациялар қызметінде қаланың дамуына елеулі үлес қосқан әйелдерге арналған баспасөз конференциясы өтті.
Іс-шара қонақтарының бірі-қоғам қайраткері, қатынас жолдарының инженері, Еңбек Қызыл Туы және «Құрмет» ордендерінің иегері Клара Летникова болды, деп хабарлайды aqshamnews.kz.
Клара Летникова өзінің кәсіби мансабын 1958 жылы ақпанда Свердловск автомобиль-жол техникумын бітіріп, сол кездегі Алматыға жұмысқа шақыру алған сәттен бастады. Ол 23 жы-лын қаланы көркейтуге арнап, құрылыс басқармасының бастығы лауазымына жетті.
Алматы сол жылдары қарқынды дамып, қаланың жаңа келбеті қалыптасты. Ол басшылық еткен кезеңде жолдар, ескерткіштер, субұрқақтар, сондай-ақ Алматыдағы алғашқы жерасты өткелдері салынды.
Ол 1975 жылы Жеңістің 30 жылдығына орай Қазақстандағы Ұлы Отан соғысының басты ескерткіштерінің біріне айналған 28-панфиловшылар саябағындағы Мәңгілік алауы бар Даңқ мемориалындағы жұмысын ерекше мақтан тұтатынын атап өтті.
«Мен осы жеңіс символын соғуға қатысқанымды мақтан тұтамын. Бұл ескерткіш біз үшін жай ғана құрылыс нысаны емес, нағыз тарихи миссия болды. Біз оны 1975 жылдың сәуірін-де, 50 жыл бұрын тұрғыздық. Көптеген ардагерлер мен олардың отбасылары үшін бұл ес-керткіш Жеңіс пен қайсарлықтың символына айналды. Бүгінде, 9 мамыр күні, адамдар осы жерге келіп, Мәңгілік алауға тағзым етеді. Бұл – ұрпақтар сабақтастығы мен естеліктің мәңгілігін көрсетеді. Бүгінде біз Жеңістің 80 жылдығын атап өтуге жақындап қалдық», – дейді Клара Летникова.
Құрылыс саласындағы табысты мансабынан кейін Клара Летникова өз қызметін өнеркәсіп, әлеуметтік қорғау, көлік, құрылыс және кәсіподақ жүйесін басқару салаларында жалғастырды.
Зейнетке шыққаннан кейін де ол қоғамдық жұмыстарға белсенді араласып, өз тәжірибесі мен білімін халық игілігі үшін пайдалануда.