Төле би көшесін Әшімов көшесінен қала шекарасына дейін ұзарту жобасының жалпы ұзындығы 2,3 шақырымды құрайды, – деп хабарлайды aqshamnews.kz тілшісі.
Қазіргі таңда нысанның құрылыс дайындығы 70%-ға жетіп, 1,9 шақырым жолға асфальт төселді. Жұмыстарды 2026 жылдың қараша айында аяқтау жоспарланған. Бұл туралы аудан әкімі Назира Тоғызбаева Алматы қаласының Өңірлік коммуникациялар қызметінде өткен брифингте мәлімдеді.
Жұбанов көшесін Момышұлы көшесінен Алатау даңғылына дейін ұзарту жобасының ұзындығы 1,2 шақырым. Нысанның дайындық деңгейі 68%-ды құрайды. Қазіргі уақытта инженерлік желілерді қайта құру және жол конструкциясын орнату жұмыстары жүргізілуде. Құрылысты 2027 жылдың желтоқсан айында аяқтау жоспарланған.