Алматының Наурызбай ауданындағы 5 шағын ауданында электр желілерін кезең кезеңімен модернизациялау жүргізілуде
Наурызбай ауданында Қарағайлы, Құрамыс, Таусамалы, Ақжар және Таужолы шағын аудандарының тұрғындарын тұрақты энергиямен жабдықтауды қамтамасыз етуге бағытталған электр желілерін қайта құру жобасы белсенді іске асырылуда. Бұл туралы Алматы қаласының энергетика және сумен жабдықтау басқармасынан хабарлады.
Бұл жұмыстар қалалық энергетика және сумен жабдықтау басқармасының тапсырысы бойынша «Наурызбай ауданының иесіз қолданыстағы электр желілері мен жабдықтарын реконструкциялау» жобасы аясында жүргізілуде.
Жоба аясында 1200-ден астам электрмен жабдықтау тіректерін ауыстыру, ұзындығы 11,5 км кабельдік желілерді жаңарту, 234 км әуе желілерін тарту, сондай-ақ 28 жаңа трансформаторлық қосалқы станцияларды орнату жүргізілуде.
Бүгінгі таңда айтарлықтай жұмыс көлемі орындалды: 854 тірек орнатылды, 11,2 км кабель желілері және 20,6 км әуе желілері салынды.
«Жұмыс ерекше бақылауда жалғасуда. Негізгі міндет – жобаның аяқталуын жеделдету, осылайша аймақ тұрғындары мүмкіндігінше тезірек сапалы және сенімді электрмен жабдықтауға қолжеткізе алады. Бұдан басқа, халықтың өсіп келе жатқан қажеттіліктерін ескере отырып, электр желілерін одан әрі жаңғырту жоспарлануда», – деп атап өтті Алматы қаласының энергетика және сумен жабдықтау басқармасы.