Алматының Медеу ауданында көшелер мен даңғылдарды көгалдандыру жалғасып жатыр. Мысалы, әл-Фараби даңғылында (Қаппаров көшесінен Назарбаев даңғылына дейін), сондай-ақ Қажымұқан, Сәтбаев, Абай, Құрманғазы, Шевченко, Қабанбай батыр және Қалдаяқов көшелерінде көріктендіру жұмыстары аяқталды. Медеу ауданы әкімдігінің дерегінше жаңа гүлзарлар, суару жүйелері аймақтарды жасыл бульварға айналдырды.
Көгалдандыру бағдарламасының аясында 71,5 мың шаршы аумақ, ұзындығы 14 шақырым болатын 13 көше көркейтілді.
Бүгінде Достық даңғылында, Бөгенбай батыр, Қабанбай батыр, Төле би, Қазыбек би көшелері мен Құлжа тасжолында абаттандыру жұмыстары жалғасып жатыр.
Жалпы, буферлік аймақтарға баса назар аударылады: Назарбаев және Достық даңғылдарында бұталар мен гүлдер отырғызылады, іргелес аумақтар абаттандырылады. Аудан тұрғындары қазірдің өзінде оң өзгерістерді айтады.
«Бұрын бұл аймақтар иесіз, бос жатқан жерлер еді. Енді міне, көріктендіру жұмыстарының арқасында танымастай өзгеріп, көркейіп шыға келді. Мұнда серуендеудің өзі керемет», - дейді аудан тұрғыны Айгүл.
Аудан әкімдігінде атап өткендей, жұмыс одан әрі жалғасады. Алдағы уақытта жасыл аймақтар кеңейтіліп, жаңа ағаштар отырғызылып, жүргіншілер үшін жайлы кеңістік пайда болады.