Алматы қаласында 25 қыркүйек түнінен бастап 27 қыркүйек түске дейін жаңбыр жауып, нөсерге ұласып, жел күшеюі мүмкін.
Ауа райының қолайсыздығына байланысты Коммуналдық инфрақұрылымды дамыту басқармасы тұрғындардың қауіпсіздігі мен ыңғайлы тұрмысын қамтамасыз ету үшін қабылданған шаралар туралы мәлімдейді.
Су тасқынының алдын алу үшін оңтүстіктен солтүстікке қарай орналасқан меридиандық арық желілері күндізгі уақытта кездейсоқ қоқыстардан тазартылды. Бұл жұмысқа 82 арнайы техника мен 310 жұмысшы жұмылдырылды.
Проблемалы аймақтарда су тасқынының алдын алу және оны жою мақсатында мотопомпалармен, багрлермен және басқа да арнайы құралдармен жабдықталған 46 мобильді жедел бригада кезекшілік етеді. Сондай-ақ 2,6 мың қап құм дайындалды.
25-інен 26-сына қараған түні 311 арнайы техника, 28 мотопомпа және 340 жұмысшы жұмылдырылды. Таңертеңнен бастап 457 арнайы техника, 28 мотопомпа және 754 жұмысшы іске қосылады деп жоспарлануда.
Ауа райының қолайсыздығына байланысты қала тұрғындары мен қонақтарына тауға бармауға кеңес беріледі. Жүргізушілерге ағаштардың құлау қаупі мен электр желілерінің үзілуіне байланысты көліктерін жол жиегіне қоймауды ұсынады.
Қала тұрғындарынан арықтар мен нөсер каналдарын қоқыспен бітемей, олардың дұрыс жұмыс істеуін қамтамасыз ету сұралады. Құқық бұзғандар ҚР ӘҚБтК-нің 505-бабы бойынша "қалалар мен елді мекендердің аумақтарын абаттандыру қағидаларын бұзу" бойынша әкімшілік жауапкершілікке тартылады.
Коммуналдық инфрақұрылымды дамыту басқармасы