Бостандық ауданының тұрғындарымен кездесуде Алматы әкімі Ерболат Досаев қолжетімді және сапалы медициналық қызметтермен қамтамасыз ету жұмыстары туралы айтты, деп хабарлайды aqshamnews.kz
Осы жылдың маусым айында Бостандық ауданындағы Манас көшесінде тәулігіне 500 пациентке арналған Балаларға шұғыл медициналық көмек көрсету орталығының жаңа ғимараты ашылды.
Мекемеде 26 реанимация және қарқынды терапия төсегі, 4 операциялық блок, сондай-ақ диагностикалық бөлімше бар. Ғимарат халықаралық стандарттарға сәйкес салынған.
Бұл балалар стационары 1965 жылы салынған және С. Д. Асфендияров атындағы ҚазҰМУ педиатрия кафедрасының клиникалық базасы болып табылады. Мұнда Алматыдан ғана емес, Қазақстанның барлық өңірлерінен келген балалар ем алады. Мекеме өңеш атрезиясы, диафрагматикалық грыжа, рахишизис, гастрошизис және т.б. сияқты туа біткен ауруларды хирургиялық емдеудің жалғыз орталығы болып табылады.
Соңғы үш жылда орталықтың қабылдау бөліміне түскен өтініштер саны 30% - ға артты.
Қазіргі уақытта клиниканы қайта құру жоспары әзірленуде. Атап айтқанда, барлық ескі ғимараттар күрделі жөндеуден өтіп, оңалту, отоларингология, офтальмология, жақ бас сүйек хирургиясы бөлімшелері ашылады. Нәтижесінде ауруханадағы төсек саны 350-ден 470-ке дейін артады. Жаңғырту медициналық қызметтер спектрін кеңейтуге және халықаралық стандарттар деңгейінде сапаны қамтамасыз етуге мүмкіндік береді.
Сондай-ақ, қала басшысы Бостандық ауданының үш денсаулық сақтау нысанын күрделі жөндеу барысы туралы хабарлады. Осы жылдың желтоқсан айында № 4 және №12 екі емхананы жөндеуді аяқтау жоспарлануда. 2025 жылдың ақпан айында Перинатология және балалар кардиохирургиясы орталығы жөнделеді.
