52 км кабель желілері, 487 жарықтандыру тіректері және 2,5 мыңнан астам шамдарды ауыстыру: Алматының Әуезов ауданында жарықтандыру сапасы қалай жақсарады
2025 жылы Әуезов ауданының көшелерінде 52 км кабель желілерін қалпына келтіру, 487 жарықтандыру тіректерін орнату, 2500-ден астам шамдарды ауыстыру жоспарлануда. Бұл туралы Әуезов ауданының тұрғындарымен кездесу барысында Алматы әкімі Ерболат Досаев мәлімдеді.
- Оның айтуынша, 2025 жылдың қыркүйегіне дейін өткен жылы жарықсыз қалған 81 учаскені жарықтандыру жоспарлануда. Бүгінгі таңда ЖСҚ қорытындысы алынды, жұмыстар 2025 жылдың сәуір айында басталады.
- Сондай-ақ, ағымдағы жылы 36,3 км электр желілерін қайта жаңарту және 49 трансформаторлық қосалқы станцияларды жөндеу жоспарлануда.
Айта кетейік, 2024 жылы сыртқы жарықтандыруды жақсарту үшін 42,3 км кабель желілері қалпына келтіріліп, 152 жаңа жарықтандыру тіректері орнатылып, 3 800-ден астам шамдар ауыстырылды.
Халықты тұрақты электрмен жабдықтаумен қамтамасыз ету үшін өткен жылы «АЖК» АҚ 23 км электр желілерін реконструкциялау аяқталды, 29 трансформаторлық қосалқы станция және 5 тарату станциясы жөнделді.
Естеріңізге сала кетейік, Алматыда Мемлекет басшысының қаланы 100% жарықтандыру туралы тапсырмасын орындау үшін электр желілері мен сыртқы жарықтандыруды жаңғыртудың ауқымды бағдарламасын іске асыру жалғасуда. 2024 жылы көшені жарықтандыру үлесі 85% - ға жетті, ал ағымдағы жылы оның деңгейі 100% -ды құрайды.