Алматының Алмалы ауданында 30 аула аумағын ағымдағы жөндеу жұмыстары аяқталды, – деп хабарлайды aqshamnews.kz тілшісі.
Тағы сегіз нысанда көркейту жұмыстары жалғасып жатыр. Бұл туралы аудан әкімдігінің өкілдері хабарлады.
2026 жылы аудан бойынша барлығы 38 ауланы жаңарту жоспарланған. Жоба аясында аула жабындарын жөндеу, балалар және спорт алаңдарын орнату мен жаңарту, орындықтар, қоқыс жәшіктері және басқа да көркейту элементтерін орналастыру қарастырылған.
Сонымен қатар «Халық қатысатын бюджет» жобасы аясында тұрғындардың 19 бастамасы жүзеге асырылып жатыр. Оның бесеуі аяқталса, сегіз нысанда құрылыс-монтаж жұмыстары қарқын алған. Тағы бес жоба бойынша жұмысты бастау жоспарланған.
Бұл жобалар қоғамдық кеңістіктерді жаңартуды, демалыс орындарын көркейтуді, балалар ойын және спорт алаңдарын орнатуды, көгалдандыру мен сыртқы жарықтандыруды қамтиды.