Бұл туралы қалалық ТЖД баспасөз қызметі мәлімдеді.
"Қазгидромет" РМК дауылды ескертуіне байланысты Алматы тұрғындары мен қонақтарына бүгін, 2024 жылдың 8 қаңтарында оңтүстік астанада тұман түсетіні айтылды, деп хабарлайды Almaty-akshamy.kz
"Қалада 8 қаңтарда таңертең, күндіз және түскі уақытта тұман түседі деп болжанды", - делінген Алматы қалалық Төтенше жағдайлар департаментінің хабарламасында.
Осыған байланысты оңтүстік астананың төтенше жағдайлар департаменті тұманды жағдайда көлік жүргізушілеріне аса сақ болу керектігін еске салды.
"Мүмкін болса, сапарды кейінге қалдырып, ауа-райының жақсаруын күткен дұрыс. Біз қауіпсіз жүргізудің басты кепілі жылдамдықты айтарлықтай төмендету екенін есте ұстауымыз керек", - деді департаменттегілер.
Сондай-ақ Алматы Төтенше жағдайлар департаментінде туристер мен демалушыларға таулы аймақта барлық қауіпсіздік шаралары мен тәртіпті сақтау ұсынылды.