10 тоннаға жуық қант көтерме бағамен 500 теңгеден, бөлшек саудада 530 теңгеден сатылды.
Алматының аудандарында демалыс күндері өтетін жәрмеңкелерде қант қолжетімді бағамен сатылады, деп хабарлайды Almaty-akshamy.kz
Алматы әкімдігі қалалық кәсіпкерлік және инвестициялар басқармасы мен «Алматы» СПК ауылшаруашылық ұйымы демалыс күндері өтетін жәрмеңкелерде қантты көтерме және бөлшек саудада сатуды бастады.
«Пилоттық режимде акция 16 шілдеде Алматы қаласының Медеу ауданындағы жәрмеңкеде басталды, оның барысында 10 тоннаға жуық қант көтерме бағамен 500 теңге/кг, бөлшек саудада 530 теңге/кг сатылды. Жақын арада басқарма мұндай акцияларды барлық жәрмеңкелерде тұрақты түрде өткізуді жоспарлап отыр», - делінген әкімдіктің ақпаратында
Қазір қаланың алты ауданында жәрмеңке өтуде. Бұл ретте басқарма Наурызбай және Алатау өңірлерінде ауыл шаруашылығы жәрмеңкелері тұрғындар тарапынан сұраныс болмағандықтан, өткізілмей жатқанын хабарлады.
«Қантты жәрмеңке өткізу кезінде әр облысқа 10 тоннадан 60 тоннаға жуық қант жеткізу жоспарлануда. Жергілікті тұрғындар да, дүкен иелері де қант сатып ала алады», - деп қосты әкімдік.
Сондай-ақ олар Алматыдағы 1,6 мыңға жуық тұрмыстық дүкендерді қамтамасыз ету үшін күніне 40 тоннаға жуық қант өндіріс орындарынан тікелей әкелінетінін хабарлады.