17 наурыз күні, Наурызнама онкүндігі аясында Алматыда отбасыдағы ынтымақты арттыратын Отбасы күнін атап өтеді, – деп хабарлайды aqshamnews.kz тілшісі.
Осы күні Алматы қаласының Өңірлік коммуникациялар қызметінің мамандары сауда-ойын-сауық орталығының бірінде сауалнама жүргізіп қайтты. «Отбасы деген не сіз үшін?» деген сұрақ қойылды қала тұрғындарына.
Сауалнама нәтижесі көрсеткендей, жасы, өмірлік тәжірибесі мен көзқарасы әртүрлі болғанымен, алматылықтар отбасын үнемі бірінші орынға қояды екен. Оларды ынталандыратын да, шабыт беретін де өзінің үй-іші болып шықты.