Алматы қаласы Құтқару қызметіне кеше кешкі сағат 21:37-де жоғалған азамат туралы хабарлама түскен.
Онда грекиялық Г.есімді азаматтың «Волчья гораға» жолға шығып, сол күйі оралмағаны айтылған, деп хабарлайды Almaty-akshamy.kz.
Құтқару қызметінің мәлімдеуінше, туристтің жоғалғаны туралы ол тұрақтаған хостелдің иесі хабарлады. Оның айтуынша, турист оның телефонына орналасқан жері мен "қайтар жолдан адасқаны" жайлы хабарлама келген.
Ол хатта тым қараңғы болғандықтан және арнайы жарық құралдарының болмауы себепті жолды жалғастыра алмайтындығын да жазған.
Құтқару қызметінің құтқарушылары соңғы геомәлімет бойынша іздестіру жұмыстарын бастады.
«01:11-де жоғалған азаматты тауып, таудан түсіру жұмыстары басталды. Турист дін аман, медициналық көмек қажет болмады», - делінген Алматы қаласы Құтқару қызметінің хабарламасында.