Көктемнің жарқын мерекесі — Көрісу күні және Наурыз мейрамы қарсаңында Алматы қаласының Төтенше жағдайлар департаментінде көктемді қарсы алуға және ұлттық дәстүрлерді насихаттауға арналған мерекелік іс-шара ұйымдастырылды, – деп хабарлайды aqshamnews.kz тілшісі.
Мерекенің құрметті қонақтары ретінде қызмет ардагерлері шақырылды. Іс-шараның көркін Жетісу ауданы №9 Оқушылар үйінің тәрбиеленушілері дайындаған шығармашылық нөмірлер ерекше аша түсті. Жас өнерпаздар домбырамен дәстүрлі күйлер орындап, концерттік бағдарлама ұсынды.
Мерекелік шараның негізгі мақсаты – ұлттық дәстүрлер мен рухани құндылықтарды дәріптеу.
Бұл күні қатысушылар үлкендерді құрметтеу, кішіге қамқорлық пен ізет көрсету дәстүрінің маңыздылығын атап өтті. Мереке жылы әрі достық атмосферада өтіп, халықтың мәдени мұрасы мен ізгі дәстүрлерін сақтаудың маңызын тағы бір мәрте еске салды.