Шекті балды 67%-ға жуық талапкер жинады.
Наурыз айындағы ҰБТ-ның екі аптасында 54 мыңнан астам адам тест тапсырды, деп хабарлайды aqshamnews.kz ғылым және жоғары білім министрлігіне сілтеме жасап.
Тестілеу нәтижесі бойынша орташа балл бес пән бойынша 62 балды құраған. Ең жоғары балл – 139, оны алматылық талапкер жинады.
Талапкерлер үш тілде тест тапсырды:
қазақ тілінде - 67,4%;
орыс тілінде - 32,5%;
ағылшын тілінде - 84 адам.
Талапкерлер таңдаған пәндер:
"Математика-Физика" пәндер комбинациясын - 18,6%;
"Шығармашылық емтихан" - 14,7%;
"Биология-Химия" комбинациясын - 13,3%;
"Химия-Физика" пәндер комбинациясын 65 адам тапсырған.
Ерекше білім беру қажеттіліктері бар оқуға түсушілер үшін қолайлы жағдай жасаудың арқасында наурыз ҰБТ-сына 169 талапкер қатысты.
Талапкерлер тестілеу аяқталғаннан кейін 30 минут ішінде апелляцияға бере алады, бұл жағдайда сертификат апелляция туралы шешім қабылданғаннан кейін тестіленушінің жеке кабинетінде қолжетімді болады.
"Қазіргі таңда 57 адамның нәтижесі жойылды. Оның ішінде 26 талапкер смартфон және шпаргалка сияқты тыйым салынған заттарды алып өту әрекеті салдарынан тест тапсыру мүмкіндігінен айырылды, ал тестілеу кезінде ережелерді бұзғаны үшін аудиториядан 31 адам шығарылды. Тестке басқа адамды кіргізу фактілері анықталған жоқ", - делінген хабарламада.
Айта кетсек, 2025 жылғы ҰБТ аяқталғаннан кейін 31 қазанға дейін тестілеудің бейнежазбаларына талдау жүргізіледі. Тыйым салынған заттарды пайдалану немесе ережелерді бұзу фактілері анықталған жағдайда талапкердің ҰБТ нәтижелері жойылады.
Естеріңізге сала кетсек, наурыз ҰБТ-сы 1 наурыз бен 6 сәуір аралығында өтеді. Тестілеуге қатысуға 163 мыңға жуық талапкер ниет білдірген.