Адамның кепкен сілекейінде герпес, қызамық, туберкулез, гепатит, пневмония болуы мүмкін.
Көшеге түкіру басқаларға қандай қауіп төндіруі мүмкін екенін И.С.Жекенов атындағы қалалық клиникалық жұқпалы аурулар ауруханасының жұқпалы аурулар дәрігері Тамара Утаганова айтып берді, - деп хабарлайды almaty-akshamy.kz
"Ауыз қуысында шартты патогендік бактериялар көп. Жұқпалы аурулармен ауыратын адамдарда патогендік, жұқпалы бактериялар бар. Түкіргендегі сілекей ешқайда сіңбейді және ешқайда кетпейді. Ол кебеді және барлық бактерия күн сәулесінің астында, қоршаған ортаның, ылғалдылықтың, температураның әсерінен вирустық сипатқа ие болады", – деп түсіндірді Тамара Утаганова.
Ол Үндістан, Қытай, Сингапур түкіруге қарсы күресіп жатқанын айтады. Көрші Қырғызстанда бұл әдетке қарсы акция өткізілді.