Алматы қаласының № 7 қалалық клиникалық ауруханасының нейрохирург дәрігерлері 26 жастағы жас жігіттің миында пайда болған ісікті алып тастады.
№7 ҚКА-ның №4 нейрохиругияның бөлімшесінің нейрохирургі Берік Исатаевтың айтуынша, пациент клиникаға басының жиі ауруы, айналуы, қан қысымның 200/100 дейін көтерілуі, жалпы әлсіздікке, көру қабілетінің күрт төмендеуі шағымымен келді. Жиналған анамнезден спорттық жаттығу жүктемелерінен кейін желке аумағының қатты ауруы пайда болатыны анықталды.
Басқа жасалған МРТ тексеру барысында мидың шүйделік аумағының сол жақ бөлігінде қуысты ангиома (ісік) анықталды. Нейрохирург дәрігер жан-жақты тексеріп қарағаннан кейін пациент емдеуге жатқызылды.
«Шағын көлемді ісік шамамен 3 см тереңдікте орналасқандықтан, оған дәл жету үшін алдын ала нейронавигация жүргізілді. Бұл операция 6-8 сағатта созылатындықтан, күрделілік дәрежесі 4-5 есептелінеді. Оператор өз жұмысын толық аяқтамағанша операциядан кете алмайды, ал ассистент пен бригаданың басқа да мүшелері ауысуы мүмкін» , - деп түсіндірді дәрігер.
Операция кезінде негізінен пациенттің ояну процесін реттеу үшін газ наркозы пайдаланылады.
Қазіргі уақытта жас жігіт операциядан кейін оңалу кезеңінде, ол үйлесімді жұмысы үшін дәрігерлерге алғыс айтады.