Қазақстанның еңбек сіңірген қайраткері, суретші Алпысбай Қазғұлов жаңа Конституция жобасы бойынша өткен республикалық референдумға қатысты. Ол Әзірбайжан Республикасының Баку қаласындағы Қазақстан Республикасының Елшілігінде ұйымдастырылған референдум учаскесінде таңдау жасады, – деп хабарлайды aqshamnews.kz тілшісі.
Алпысбай Қазғұловтың айтуынша, референдумға қатысу әр адамның азаматтық жауапкершілігін көрсететін маңызды қадам.
«Бүгін мен Баку қаласындағы Қазақстан Елшілігі жанындағы учаскеде дауыс беріп, өз таңдауымды жасадым. Бұл әрбір азамат үшін маңызды сәт, өйткені ол еліміздің болашағына тікелей қатысты», — деді ол.
Айта кетейік, бұған дейін, 2026 жылы 13 наурызда Баку қаласында Алпысбай Қазғұловқа Түркі әлемі көркемөнер академиясының академигі атағы берілген болатын.
Қазіргі уақытта шетелде жүрген қазақстандықтар да Қазақстан Республикасының дипломатиялық өкілдіктері жанынан ашылған учаскелерде референдумға қатысып жатыр.