Алматылық балалар танымдық ойынға қатысып, сыйлыққа кенелді, – деп хабарлайды aqshamnews.kz тілшісі.
Алматы қаласының Ерте араласудың әлеуметтік қызметтер орталығында Халықаралық балаларды қорғау күніне шуаққа толы мереке өтті.
Іс-шараның мақсаты мерекелік көңіл-күй қалыптастыра отырып, балалардың бос уақытын тиімді ұйымдастыру және олардың шығармашылық әрі ойын белсенділігін дамыту болды.
Мереке барысында тәрбиеленушілер үшін түрлі ойындар, байқаулар және көңіл көтеру бағдарламалары ұйымдастырылды. Балалар іс-шараларға үлкен қызығушылықпен қатысып, белсенділік, достық қарым-қатынас және көтеріңкі көңіл-күй танытты.
Кішкентай достарымызға «Ақсай Нан» ұсынған тәтті тағамдар таратылды. Ал «Magnum E-commerce Kazakhstan» компаниясы сыйлықтар ұсынса, «Атамұра» баспасының өкілдері балалар кітаптарын тарту етті.
Демеушілердің қолдауы мен балалардың белсенді қатысуының арқасында мереке жарқын, көңілді және жоғары деңгейде өтті. Ата-аналар да балаларына қамқор болып жүрген орталық мамандарына дән риза.