Алматы қаласындағы Алматы құрылыс-техникалық колледжіне 2026 жылғы 19-21 мамыр аралығында Шанхай ғылым және технологиялар колледжі делегациясы келеді, – деп хабарлайды aqshamnews.kz тілшісі.
Сапардың мақсаты - техникалық және кәсіптік білім беру саласындағы халықаралық ынтымақтастықты дамыту аясында Алматы қаласындағы колледждердің бірінің базасында білім мен өндірісті интеграциялау бойынша Шанхай ғылым және технологиялар колледжінің оқу-тәжірибелік базасын ұйымдастыру, жаңа автомобиль индустриясына, жаңа энергетикалық көлік технологияларына, цифрлық диагностикаға және автомобиль сервисіндегі жасанды интеллектке арналған кадрларды даярлау тәжірибесімен алмасу, сондай-ақ бірлескен білім беру және оқу-тәжірибелік ынтымақтастық форматтарын ұйымдастыру.
Сапар аясында мынадай іс-шаралар жоспарланған:
Шанхай ғылым және технологиялар колледжінің делегациясын Алматы қаласының техникалық және кәсіптік білім беру жүйесімен таныстыру, Алматы қаласы Білім басқармасының ТЖКББ бөлімінің басшысы Е.М.Әбішаевпен кездесу, көлік саласына мамандар даярлайтын колледждерге бару, Алматы құрылыс-техникалық колледжі базасында жаңа энергетикалық көлік құралдары (NEV) технологияларына арналған «Жаңа ақылды энергия. Жарқын болашаққа арналған технологиялар» атты семинар өткізу, сондай-ақ Алматы және Шанхай қалаларының білім беру ұйымдары арасында ынтымақтастық туралы келісімдерге қол қою.
Семинар қатысушылары жаңа энергетикалық көлік құралдары бойынша мамандар даярлаудың заманауи тәсілдерін, тартқыш аккумуляторлық батареяларды диагностикалау және оқу ресурстарын әзірлеу мәселелерін талқылайды.
Қазіргі автомобиль индустриясына кадрлар даярлау, электромобиль технологиялары, цифрлық диагностика, автомобиль сервисіндегі жасанды интеллект және тәжірибеге бағытталған оқытуды дамыту мәселелеріне ерекше назар аударылады.
Сапар қорытындысы бойынша тараптар 2026-2027 жылдарға арналған ынтымақтастықтың негізгі бағыттарын айқындауды жоспарлап отыр. Оның ішінде бірлескен оқу-тәжірибелік базаны құру, оқытушыларды даярлау, тағылымдамалар ұйымдастыру және халықаралық білім беру жобаларын дамыту қарастырылған.
Іс-шараға БАҚ өкілдерін, үкіметтік емес ұйымдардың өкілдерін және басқа да мүдделі тұлғаларды қатысуға шақырамыз.