Алматының атынан Милан-Кортина- 2026 қысқы Олимпиада ойындарында төрт қысқы спорт түрінен 12 олимпиадалық лицензия алған алты спортшы өнер көрсетеді, - деп хабарлайды Aqshamnews.kz.
Бұл туралы Алматы қаласының Спорт басқармасының өкілдері хабарлады.
Алматы құрамасына енген спортшылар:
Михаил Шайдоров — мәнерлеп сырғанау;
Евгений Кошкин — конькимен жүгіру спорты;
Александра Скороходова, Ростислав Хохлов — тау шаңғысы спорты;
Илья Мизерных, Данил Васильев — шаңғымен тұғырдан секіру (үш дисциплина бойынша).
Алматылық спортшылар Қазақстан Республикасы мен Алматы қаласының атынан әлемдегі ең ірі халықаралық спорттық додалардың біріне қатысып, еліміздің қысқы спорт мектептерінің жоғары деңгейін және бәсекеге қабілеттілігін көрсетеді.
Алматылықтардың Олимпиада ойындарына қатысуы - Алматы қаласында жоғары жетістіктер спортын дамыту және болашағы зор спортшыларды қолдау бағытында жергілікті атқарушы органдардың жүйелі жұмысының нәтижесі.