Сутегімен ұшатын тікұшақ-такси қатынауы мүмкін.
Көлік министрі Марат Қарабаев Қазақстанда пилотсыз такси қашан қызмет көрсете бастайтынын айтты, деп хабарлайды aqshamnews.kz
«Біз қазір мобильді жолаушы тасымалы дейтін жобаны көбірек талқылап жатырмыз. Былтыр жыл аяғында біз Оңтүстік Кореяға барған едік. Сол кезде осындай мәселені талқыладық. Әуежайдан Алатау қаласына дейін жолаушыларды тасымалдауға аэромобильдер пайдалану көзделіп отыр. Бұл өзі шу шығармайтын, сутегі тұтынатын, 5 адамға дейін жолаушы сиятын тікұшақ деуге болады. Қазір бұл бағытта Оңтүстік Корея мен АҚШ компаниялары табысты жұмыс істеп жатыр. Қазақстандық компаниялардың бірі осындай жобаны іске асыруға қызығушылық танытты. Бұл осы мәселені айтарлықтай терең зерттедік және әлі де пилоттық жоба ретінде іске асыру мәселелерін пысықтап жатырмыз. Бірінші сатысында Алматыдан Алатау қаласына дейін сынап көреміз. Бұл 2026 жылға қарай пилоттық негізде іске қосылуы мүмкін деп болжап отырмыз», - деді ол.
Министрдің айтуынша, аталған жоба әлі зерттеліп жатыр.