Қала тұрғындары сапалы сумен қамтамасыз етіледі.
Қала әкімдігі халық алдындағы өз міндеттемелерін орындауды және инженерлік желілерді барынша тозу деңгейімен жаңғыртуды, сондай-ақ 100% орталықтандырылған және сапалы сумен қамтамасыз етуді қалайды. Бұл туралы қалалық мәслихаттың XXV сессиясының отырысында қала әкімінің орынбасары Мұхит Әзірбаев айтты, деп хабарлайды Almaty-akshamy.kz.
«Тозуды төмендету үшін жыл сайын 13,2 млрд. теңге сомасына шамамен 104 км сумен жабдықтау желілерін (диаметрі 100-ден 1500 мм-ге дейін), 15,5 млрд. теңге сомасына 57 км су бұру желілерін (диаметрі 100-ден 1500 мм-ге дейін), 15 млрд. теңге сомасына 30 км жылу желілерін, 120 км электрмен жабдықтау желілерін, 8,7 млрд. теңге, 4 млрд. теңге сомасына 40 км газ желілері реконструкциялау қажет», - деді Мұхит Әзірбаев.
Оның айтуынша, бұдан басқа, жаңа жобаларды іске асыру мақсатында шамамен 541 млрд. теңге талап етіледі.
«Оның ішінде бюджеттік 316,1 млрд теңге жаңа су көздерін салу үшін, Ақылды технологияларды енгізу үшін, кәріз коллекторларын реконструкциялау және салу үшін, КСС және КТҚ реконструкциялау үшін, жарықтандыру деңгейін жақсарту және "2030 жылға дейін электр желілерін дамыту схемалары" жобасын іске асыру үшін қажет болады. Оның аясында әуе желілерін кабельдік желілерге ауыстыру, жаңа электр желілерін салу қарастырылған», - деді қала әкімінің орынбасары.
Жалпы, 2030 жылға дейін шамамен 962,3 млрд теңге сомасында инвестициялар қажет болады, оның ішінде бюджеттен 625,6 млрд теңге инвестициялар есебінен.