Алматы қаласы бойынша ҚАЖД-ға қарасты №72 мекемесінен жыл басынан бері 117,65 грамм есірткі тәркіленген болатын.
Алматыдағы тергеу изоляторында тінту жүргізілді, – деп хабарлайды Almaty-akshamy.kz Polisia.kz-ке сілтеме жасап.
Жуырда Алматы қаласы бойынша қылмыстық-атқару жүйесі департаментіне қарасты тергеу изоляторында “Допинг” жедел-профилактикалық іс-шарасы аясында жоспардан тыс тінту жүргізілді.
Мекемеде тыйым салынған заттарды анықтау және алдын алу мақсатында сотталғандар мен тергеу тұтқынындағылардың азық-түліктері мен күнделікті тұрмысқа қажетті заттарын тінту жұмыстары ҚР ІІМ кинология орталығымен және Алматы қаласы полиция департаменті есірткіге қарсы күрес басқармасымен бірге атқарылып, тінтуге арнайы дайындалған қызметтік иттер тартылды.