Осыған орай Алматы қалалық әкімдігі сенбілікті ауыстыруға түсіністікпен қарауды сұрайды.
Қалалық әкімдік сенбілік өтетін күн мен уақытын міндетті түрде айтамыз деп отыр, деп хабарлайды Almaty-akshamy.kz
«Өкінішке қарай, ауа райының қолайсыздығына байланысты 19 наурызға жоспарланған сенбілікті ауыстыруға мәжбүрміз. Синоптиктердің соңғы мәліметтері бойынша, дәл сол күні ауа температурасы төмендейді және қар аралас жаңбыр жауады деп күтілуде. Сенбілікті ауыстыруға түсіністікпен қарауды сұраймыз. Ауа райы қалпына келген соң біз бәріміз бірге сүйікті қаламыздың аулаларын, саябақтарын және скверлерін тазалауға шығамыз. Біз ауа райы болжамын қадағалайтын боламыз және сенбілік өтетін күн мен уақытын міндетті түрде хабарлаймыз», - делінген қалалық әкімдіктің баспасөз қызметі таратқан хабарламада.