Арнайы ойын алаңына қойылған алып шахмат фигуралары сайлаушылардың ерекше қызығушылығын тудырды, деп хабарлайды aqshamnews.kz тілшісі.
Алматыдағы №43 және №45 сайлау учаскелерінде дауыс берумен қатар тұрғындарға арналған түрлі іс-шаралар өтіп жатыр.
Келушілерді алып шахмат фигуралары қарсы алса, спортшылардың өнер көрсетуі сайлау күнінің шырайын аша түсті.
«Немереммен бірге дауыс беруге келдім. Бүгін біз үшін мереке болғандықтан, қазақтың ұлттық киімін киіп келдік», — деді Алматы тұрғыны Гүлраушан Әділова.
Арнайы ойын алаңына қойылған алып шахмат фигуралары сайлаушылардың ерекше қызығушылығын тудырды. Тұрғындар мұнда естелік суретке түсіп, алаңның ерекше безендірілуін тамашалай алады.
Бағдарлама аясында жас каратэшілер де өнер көрсетті. Олар жиналған жұртқа шеберлігін танытып, қимыл дәлдігі мен жекпе-жек техникасын паш етті.