Жыл сайын қыркүйектің үшінші жексенбісінде Алматыда Қала күніне арналған түрлі іс-шаралар мен бағдарламалар өткізіледі. Осындай іс-шаралардың бірі-Тұңғыш Президент атындағы саябақтың аумағында өтетін ауқымды «Алма Fest». Мұнда бүгін концерттер, кино көрсетілімдері, қолөнершілер жәрмеңкесі, әртүрлі алма түрлер мен сорттардың көрмелері мен Алма жәрмеңкесі және т.б. өтті, деп хабарлайды aqshamnews.kz.
Мегаполис тұрғындары мен қонақтары мерекелік іс-шаралардан алған әсерлерімен бөлісті.
Қостанайдан Алматыға келген Клара Қуанышқызы мерекелік іс-шарадан алған әсерлері туралы айтып берді:
«Мен өзім Қостанайдан келдім, балаларға қонаққа келдім. Осы мереке күні біз достарымызбен кездесіп, қаланы араладық. Іс-шара жоғары деңгейде өтуде. Және ауа-райы да тамаша. Барлық жерде адамдардың қуанышты жүздері бар. Маған бәрі ұнады. Алматы әлі де әдемі ландшафттары бар ерекше қала. Баршаңызды мерекемен құттықтаймын! Баршаңызға бақыт тілеймін, Алматы мен Қазақстан гүлденсін», - деп бөлісті ол.
Мерекенің 9 жасар Кәусар есімді кішкентай қонағы анасы Айнұрмен бірге келді:
«Мен саябаққа анаммен бірге концертті тамашалауға келдім. Біз би биледік, ойнадық, әдемі фонда суретке түстік, алма мен балмұздақ жедік. Маған бәрі ұнады. Баршаңызды мерекемен құттықтаймын», - деп бөлісті қыз қуанышпен.
Алматы тұрғыны Ләззат ұйымдастырушыларға да алғысын білдірді:
«Іс-шара үшін көп рахмет! Барлығы өте түрлі-түсті, әдемі, бізге бәрі ұнады. Ал бүгін ауа-райы қуантады! Баршаңызды тағы да мерекемен құттықтаймын!».
Алматыда Қала күнін мерекелеу барлық ұрпақ үшін жарқын оқиға болды. Дәстүрлі концерттер, әртістердің қойылымдары, ойындар мен жарқын фотоаймақтар ұмытылмас атмосфера тудырып, бұл күнді қаланың барлық тұрғындары мен қонақтары үшін ерекше етті.