«Мектеп автобусы» жобасы Алматыда кеңейе түспек. ӨКҚ алаңында өткен брифингке қатысқан Алматы әкімінің орынбасары Әсем Нүсіпова жаңа оқу жылында 200 автобус күнделікті 14 мыңнан астам оқушыны тасымалдайтынын айтты, деп хабарлайды aqshamnews.kz.
«Мектеп автобусы» жобасы 2023 жылы басталған, ол кезде 6,1 млрд теңгеге 100 автобус сатып алынған. Биыл 6 мыңнан астам баланы қамтитын 23 мектепке тағы 100 автобус сатып алынуда.
«Бұл балалардың қауіпсіздігін арттыруға және жол қозғалысына түсетін жүктемені азайтуға бағытталған маңызды жоба», – деп атап өтті Әсем Нүсіпова.
Тасымалдауға барлығы 2,5 млрд теңге бөлінді.