Алматыдағы Республикалық мемлекеттік академиялық корей театры сахнасында «Махаббат бәрін жеңеді» спектаклінің премьерасы өтті, – деп хабарлайды aqshamnews.kz тілшісі.
Бұл – оңтүстіккореялық режиссер Кан Тхе Сиктің Қазақстан сахнасындағы алтыншы қойылымы. Премьера күш пен билік үстемдік құрған аллегориялық джунглидегі қасқырлар отбасының тағдыры туралы.
“Кай мен Луна махаббатының және отбасы бірлігінің арқасында әділеттің салтанат құруын, жалпы шытырман оқиғаға толы спектакльді көрермендер зор ықыласпен қабылдап, ұзақ қол соқты. Бұл - біз үшін үлкен баға. Премьералық спектакль осы маусымда мамырда да көрсетіледі. Жаңа туынды балалар, жасөспірімдер және ересектерге бірдей қызық. Сол себепті қойылым театр репертуарына отбасылық ертегі ретінде енді”, - дейді корей театрының директоры Наталья Ли.