Қосалқы шаруашылықтар, отбасылық омарталар, үй наубайханалары. Алматыдағы «демалыс күні» жәрмеңкелерінде кімдер ұсыныс жасайды
Алматы мен Алматы облысының маңындағы 320 ауыл шаруашылығы өндірушілері мегаполистегі «демалыс күні» жәрмеңкелеріне қатысуда.
Картоп, қырыққабат, пияз, сәбіз, алма және алмұрт сияқты көкөністер мен жемістерді 80 қатысушы ұсынады.
Ет өнімдерін - қой, сиыр және жылқы етін -Алматы облысының Қарасай, Іле, Талғар және Жамбыл аудандарынан 65 шаруа қожалығы жеткізіп отыр.
64 өндіруші жергілікті құс фабрикалары мен жеке шаруашылықтардан тауық еті мен жұмыртқа ұсынуда.
52 жеткізуші сүт, қаймақ және ірімшіктерді қоса сүт өнімдерін сатуда.
16 отбасылық омарта ара шаруашылығының табиғи өнімдерін ұсынады-бал, балауыз, прополис және басқалары.
Сонымен қатар, 16 шағын кәсіпорын шұжық өнімдерінің ассортиментін ұсынады, 10 қатысушы кептірілген жемістерді сатады, 17 фермер мен үй наубайханалары кондитерлік өнімдер мен тәттілерді сатады.
Жәрмеңкелерде барлығы 1000-нан астам өнім атауы ұсынылған. Демалыс күндері жәрмеңкелер - бұл өндірушілер мен сатып алушылар арасындағы ашық сауда алаңы. Ұйымдастырушы – «Алматы» ӘКК» АҚ.
Бағаны тұрақтандыру бағдарламасы аясында әлеуметтік маңызы бар тауарлар жәрмеңкелерде нарықтық құннан төмен сатылуда. Жәрмеңкелер қаланың бес ауданында сағат 09:00-ден 18:00-ге дейін өтеді:
- Алмалы ауданы - Масанчи к-сі (Әйтеке би к-сі мен Гоголь к-сі арасы)
- Әуезов ауданы - Өтеген батыр к-сі (Абай даңғ. төмен)
- Бостандық ауданы - Қазақфильм ы/а (әл-Фараби даңғ.жоғары)
- Медеу ауданы -Меңдіқұлов бульвары - Бектұров к-сі
- Алатау ауданы: «Мәдениет» ТҮ кешені.
Жәрмеңкелерге апта сайын Алматының 45 000-нан астам тұрғыны мен қонақтары келеді.