Алматыдағы Бостандық ауданы жолды жөндеп, инфрақұрылымды жаңғыртып жатыр, – деп хабарлайды aqshamnews.kz тілшісі.
Бостандық ауданында жол жөндеу мен көше-жол желісін дамыту жұмысы қарқын алды. Өңірлік коммуникациялар қызметінде өткен брифингте аудан әкімі Азамат Қалдыбеков журналистерге осылай деп мәлімдеді.
Жыл басынан бері ауданда 4,3 мың шаршы метр жол жабыны жөнделген. Жылдың соңына дейін бұл көрсеткішті 40 мың шаршы метрге дейін жеткізбек. Үлкен көшелер мен аулаішілік жолдарда да жұмыс қызып жатыр.
«Біз жолды жақсартуға жүйелі түрде қарап, алдымен негізгі жолдан бастап, біртіндеп аулаішілік көшелерді қолға алмақпыз», — деді Азамат Қалдыбеков.
Сонымен қатар ауданда 1 мыңнан астам люкті ауыстырып, ұзындығы 32 шақырым болатын 50 көшеде орташа жөндеу жұмысын жүргізбек ойда.
Бұған қоса, қауіпсіздікті арттыру мен жаяу жүргіншілер инфрақұрылымын дамыту бағытында жұмыстар қатар жүргізіліп жатыр. Атап айтқанда, жаңа жаяу жүргіншілер аймақтары салынып, сондай-ақ әл-Фараби даңғылы бойындағы техникалық тротуар абаттандырылып қойылды.
Көше-жол желісін жаңғырту жұмыс жылдың екінші тоқсанында жалғаспақ.