Алдағы екі күн ішінде Алматының кейбір аудандарында суық су уақытша өшіріледі, - деп хабарлайды Аqshamnews.kz.
"Алматы Су" компаниясының мәліметінше, бұл жаңа су құбыры желілерін іске қосу бойынша жоспарлы жұмыстардың жалғасуына байланысты.
"Алматы Су" уақытша қолайсыздықтар үшін кешірім сұрап, техникалық жұмыстарға түсіністікпен қарауды өтінеді", – делінген хабарламада.
Қай жерде суық су болмайды?
Суық суды тоқтату 23 қыркүйекте сағат 09:00-ден 17:00-ге дейін жоспарланып отыр.
Компания мәліметінше, Бостандық ауданындағы мына аумақтарда су болмайды:
-
Серкебаев даңғылы – Әл-Фараби даңғылы – Үлкен Алматы өзені – Малахов көшесі – Қожабеков көшесі;
-
Әл-Фараби даңғылы – Витебская көшесі – Құсайынов көшесі – Үлкен Алматы өзені.
Сонымен қатар, 24 қыркүйекте сағат 09:00-ден 17:00-ге дейін Мұстафин көшесінен Саин көшесіне дейінгі Торайғыров көшесінің солтүстік жағында су болмайды.
Компанияның хабарлауынша, қосымша ақпаратты 274-66-66 нөмірі арқылы білуге болады.
Еске салайық, жаңа су құбыры желілерін іске қосу жұмыстарына байланысты Алматының бірнеше ауданында 19 қыркүйекте де суық су уақытша өшірілген еді.