Алматы әкімі Ерболат Досаев Түрксіб ауданының тұрғындарымен кездесу барысында Баум тоғайын абаттандыру жұмыстарының қашан басталатынын хабарлады.
Оның айтуынша, жаңарту жобасы әзірленген, желтоқсан айында сараптама қорытындысы шығады.
«Келесі жылы тоғайды ретке келтіре бастаймыз. Тоғайда жарықтандыру, бейнекамералар және ыңғайлы жолдар салынады, яғни тоғайда жүру қауіпсіз әрі жайлы болады. Жұмысты келесі жылдың күзінде аяқтауға тырысамыз», – деді қала басшысы.
Айта кетейік, жоба аясында тоғайдың жасыл қорын қалпына келтіру және оның өсімдік түрлерінің санын көбейту де көзделген.