Ол бұл қызметке 2021 жылғы қыркүйекте келген.
Алматы әуежайының басшысы Алып Ер Тоңа Ерсой қызметінен кетті, деп хабарлайды Almaty-akshamy.kz
Әуежайдың баспасөз қызметі түрік менеджерінің қызметінен кетуі әуежайдың жаңа халықаралық терминалының құрылысы аяқталған соң жоспарланғанын айтты.
Алып Ер Тоңа Ерсойдың авиациядағы жұмысын басқа бағытта жалғастыратыны белгілі болды. Бүгін басшылық ауысатыны туралы ресми мәлімдеме жарияланады деп жоспарланып отыр.