Алматыда 2024 жылдың мамыр айында аудан әкімдері көпбалалы аналармен 8 кездесу өткізді, деп хабарлайды almaty-akshamy.kz.
Кездесуге барлығы 104 көпбалалы отбасы келді. Кездесу барысында 118 мәселе көтерілді. Оның 81-іне түсініктеме берілді, кездесуден кейін 20 мәселе пысықталды, 17-сі қолға алынды.
Көпбалалы аналар көтерген негізгі мәселелер:
- тұрғын үй алу (кезекке қою) - 25 (21%);
- білім беру (балаларды мектепке және балабақшаға орналастыру, мектеп формасы) - 16 (14%);
- денсаулық сақтау - 12 (10%);
- әлеуметтік жәрдемақылар (АӘК, азық–түлік жиынтықтары) - 7 (6%);
- ТКШ және абаттандыру (газ қосу, сумен жабдықтау және су бұру) - 24 (20%);
- жұмысқа орналастыру және бизнеске арналған гранттар - 1 (1%);
- басқа мәселелер - 33 (28%).
Аудан әкімдерінің 2024 жылдың маусымына арналған қаланың көпбалалы аналарымен кездесу кестесі.
Өткізу күні Өткізу уақыты Өткізу орны
Алатау ауданы
20.06.2024 ж. 11.00 Алатау ауданы әкімінің аппараты
(Жанқожа батыр көшесі, 26)
Алмалы ауданы
26.06.2024 ж. 10.00 «Бақытты отбасы» отбасын қолдау орталығы
(Наурызбай батыр, 106 А)
Әуезов ауданы
28.06.2024 ж. 11.00 «Бақытты отбасы» отбасын қолдау орталығы
(Аманжол көшесі, 12)
Бостандық ауданы
25.06.2024 ж. 15.00 Бостандық әкімдігі әкім аппаратының акт залы
(Айманов көшесі, 191)
Жетісу ауданы
20.06.2024 ж. 10.00 «Бақытты отбасы» отбасын қолдау орталығы
(Жансүгіров көшесі, 65)
Медеу ауданы
20.06.2024 ж. 11.00 «Бақытты отбасы» отбасын қолдау орталығы
(Зенков көшесі, 15 үй)
Наурызбай ауданы
25.06.2024 ж. 10.00 Наурызбай ауданы әкімінің аппараты
(Шұғыла ш/а., 347)
Түрксіб ауданы
26.06.2024 ж. 11.00 «Бақытты отбасы» отбасын қолдау орталығы
(Р.Зорге көшесі, 9)
Естеріңізге сала кетейік, аудан тұрғындарымен кездесу барысында өтініштің көптігіне байланысты Алматы қаласының әкімі Ерболат Досаев аудан әкімдерінің көпбалалы аналармен ай сайынғы кездесуін тапсырған болатын.