Алматы қаласында спорт қауымдастығының қатысуымен Жаңа Конституцияны қолдауға арналған дөңгелек үстел өтті, - деп хабарлайды aqshamnews.kz.
Іс-шараға спорт федерацияларының өкілдері, сала мамандары, қоғам белсенділері және сарапшылар қатысты. Кездесу барысында конституциялық реформаның маңызы, оның қоғам дамуына ықпалы және алдағы референдумға қатысудың азаматтық жауапкершілігі талқыланды.
Дөңгелек үстелде әл-Фараби атындағы ҚазҰУ заң факультетінің мемлекет және құқық теориясы мен тарихы, конституциялық және әкімшілік құқық кафедрасының меңгерушісі, заңгер-ғалым Карлыгаш Рахимжановна Усеинова Конституция жобасына енгізілетін өзгерістерге құқықтық тұрғыдан түсіндірме берді.
Алматы қаласы мәслихатының депутаты Ералы Болатович Сауранбаев референдумның қоғам өміріндегі рөліне тоқталып, азаматтардың белсенді қатысуының маңызын атап өтті.
Сондай-ақ «KENGURU KAZAKHSTAN» ЖШС бренді иесі Данил Сергеевич Аитов кәсіпкерлік қауымдастықтың ұстанымын білдіріп, ел болашағына бейжай қарамайтын әр азаматтың референдумға қатысуы маңызды екенін жеткізді.
Кездесу барысында қатысушылар өз пікірлерін бөлісіп, сұрақтарын қойып, ашық диалог форматында ой алмасты.