Алматыда «Заң мен Тәртіп» акциясы аясында сыбайлас жемқорлықтың алдын алу мәселелері талқыланды
2025 жылғы 5 ақпанда Алматыда «Заң мен Тәртіп» акциясы аясында Сыбайлас жемқорлыққа қарсы іс-қимыл агенттігінің Алматы қаласы бойынша департаментінің өкілдері Медеу ауданы Төтенше жағдайлар басқармасының жеке құрамымен кездесу өткізді, деп хабарлайды Aqshamnews.kz
Кездесуді Превенция басқармасының басшысы Қанат Салимбаев ашып, заң мен тәртіпті сақтау әділетті қоғам құрудың басты негізі екенін атап өтті. Ол адалдық мәдениетін қалыптастыру мен сыбайлас жемқорлыққа мүлдем төзбеушілік принциптерінің маңыздылығына ерекше назар аударды.
Іс-шара барысында қатысушылар белсенді түрде сұрақтар қойып, өз пікірлері мен ұсыныстарын ортаға салып, интерактивті пікірталасқа қатысты. Кездесуде «Заң мен Тәртіп» идеологиясының негізгі бағыттары, қазіргі сыбайлас жемқорлыққа қарсы тетіктер және азаматтардың осы үдерістегі рөлі талқыланды.
Шара соңында қатысушыларға Сыбайлас жемқорлыққа қарсы қызметтің жұмысы мен 1424 call-орталығының қызметі түсіндірілді.