Алматыда 2025 жылы 27-28 қыркүйекте Түркістан облысы тауар өндірушілері қатысатын кеңейтілген ауыл шаруашылығы жәрмеңкесі өтіп жатыр.
Іс-шара «Береке Fest» республикалық бастамасы аясында ұйымдастырылды.
«Береке Fest» бірінші қажеттіліктегі азық-түлік бағасын тұрақтандыруға, отандық өндірушілерді қолдауға және қазақстандық ауыл шаруашылығы өнімдерін тұтынуды ынталандыруға бағытталған.
Жәрмеңке жобаның басты іс-шараларының біріне айналды. Алматы тұрғындары мен қонақтары сапалы әрі балғын өнімдерді өндірушілерден тікелей қолжетімді бағамен сатып ала алады.
Жәрмеңкеге Түркістан облысының 16 ауданы мен Түркістан қаласы қатысып жатыр. Қала тұрғындарына 50-ден астам өнім түрі, атап айтқанда ет-сүт өнімдері, көкөніс-жеміс, шұжық өнімдері, ұн, жарма, өсімдік және малдың майы және басқа да тауарлар ұсынылды.
Жалпы өнім көлемі шамамен 500 тонна, оның ішінде: ет өнімдері – 100 тонна, көкөніс-жеміс өнімдері – 250 тонна, сүт өнімдері – 30 тонна, басқа өнімдер – 120 тонна.
Жәрмеңке сағат 8:00-ден 17:00-ге дейін Қазыбек би көшесінде, Абылай хан даңғылынан Панфилов көшесіне дейінгі аралықта өтеді.