Үкімет отырысында Алматы қаласының әкімі Ерболат Досаев туризм бағытын дамытуда әкімдік жұмысының басым бағыты туристік ағынды цифрлық басқару болып саналатынын хабарлады.
Бұл тұрғыда MasterCard Advisors компаниясының Tourism & Insights платформасын пайдалана отырып, MasterCard халықаралық компаниясымен серіктестікті енгізу маңызды кезең болды. Платформа туристерді тартудың тиімді шараларын әзірлеу үшін мақсатты топтардың тенденциялары мен қажеттіліктерін бақылауға мүмкіндік береді.
💠 Ерболат Досаевтың айтуынша, іскер туристердің орташа тәуліктік шығындары шамамен 880 долларды құрайды, бұл қарапайым саяхатшылардың шығындарынан 2,8 есе көп. Бұл ретте іскер туристердің қалада болу ұзақтығы 2 күнмен шектеледі, ал демалу мақсатында саяхаттайтын туристер қалада орта есеппен 5 күн болады. Осыған қарамастан, іскер туристердің жалпы шығын көлемі 54%-ды құрайды, олардың жалпы туристер арасындағы үлесі – 46%.
«Бұл бағыт төлем қабілеті жоғары және қаланың экономикасына елеулі үлес қосатын туристерді тартуға мүмкіндік беретін MICE-туризмнің маңыздылығын айқындайды. Осыған байланысты, Алматы қаласының маркетинг кампаниясы бизнес туристерді белсенді түрде тартуға бағытталған»,
— деп атап өтті Алматы қаласының әкімі.
🔘 Сонымен қатар ол қонақүй қызметіне қанағаттану индексі 5%-ға өсіп, 49,3%-ға жеткенін айтты. Оның үстіне көрсеткішті жақсартуға мүмкіндік бар.
📱 Сондай-ақ, туристердің қайтадан оралу көрсеткіші үлесінің өсуі – 78%-ға артып, 25%-ға дейін жеткенін және GTPI (Global Tourism Performance Index) индексінің 4%-ға өсіп, 67,5%-ды құрады. дейін өсуі оң динамика болды. Бұл сандар Алматыдағы туристік тәжірибенің жоғары деңгейін және қонақтардың қалаға қайта оралуға дайын екендігін көрсетеді.