Мегаполисте Алматы Азаматтық Альянсының ұйымдастыруымен "Тұрақты даму мақсаттарын жүзеге асырудың қоғамдық мониторинг орталығын құру" жобасы бойынша есептік кездесу өтті, деп хабарлайды aqshamnews.kz
Оған мемлекеттік органдардың өкілдері, ҮЕҰ басшылары, қоғам қайраткерлері және БАҚ өкілдері қатысты.
Кездесудің мақсаты – Алматы қаласында Тұрақты даму мақсаттарын (ТДМ) іске асыру бойынша жүргізілген жұмыстардың қорытындысын талқылау және жобаның жетістіктерімен танысу болды.
Іс-шара барысында Алматы Азаматтық Альянсының төрағасы, Қоғамдық кеңестің мүшесі Қайыржан Әбдіхалықов қатысушыларға кіріспе сөз сөйлеп, бұл жобаның Алматы қаласында азаматтық қоғамды дамытуға қосқан үлесін атап өтті. Ол Тұрақты даму мақсаттарының маңызды екенін және осындай жобалардың қоғамды дамытудағы рөлін ерекше атап көрсетті.
Бұл кездесуде Алматы қаласындағы азаматтық қоғам ұйымдарының Тұрақты даму мақсаттары көрсеткіштерін орындаудағы жетістіктері ғана емес, сонымен қатар алдағы уақытта шешуді қажет ететін мәселелер де талқыланды.
Кездесу қорытындысында қатысушылар Тұрақты даму мақсаттары бойынша жұмыстарды одан әрі жалғастыру және осы бағыттағы серіктестікті нығайту туралы ортақ пікірге келді.
Бұл шара азаматтық қоғамды нығайту және Алматы қаласында тұрақты даму мақсаттарына қол жеткізу жолындағы маңызды қадамдардың бірі ретінде бағаланды.