Алматыда қоғамдық көлік тағы да жол-көлік оқиғасына ұшырады. №7 тролейбус Сейфуллин көшесінің бойындағы аялдамаға соғылды, деп хабарлайды aqshamnews.kz.
- Жергілікті полиция қызметінің кезекші бөлімінде хабарлағандай, бұл жол-көлік оқиғасы Алмалы ауданында болды. Троллейбус жүргізушісі Сейфуллин даңғылымен оңтүстік бағытта жүріп келе жатып, Мақатаев көшесіне жетпей аялдама кешеніне соғылды. Апат салдарынан бір жаяу жүргінші дене жарақатын алды. Оқиғаның басқа мән-жайларын Алмалы аудандық полиция басқармасының қызметкерлері анықтайды, - деп хабарлады қалалық ПД баспасөз қызметі.
Еске салайық, 2024 жылы 26 маусым күні № 18-ші бағыттағы автобус апатқа ұшырап, бір адам мерт болды.
Сондай-ақ 16 шілде күні жүк көлігі аялдама кешенінде тоқтаған № 137 автобусты соғып, салдарынан 9 жолаушы зардап шекті.
