2024 жылғы 19 қазанда Қазақ тағамтану Академиясына 50 жыл, сондай-ақ «Нутрициология» кафедрасының 30 жылдығына арналған еске алу кездесуі өтеді. Бұл шара академик Төрегелді Шармановтың туған күніне орайластырылған, деп хабарлайды aqshamnews.kz.
Академик Төрегелді Шарманұлы Шарманов — “Қазақстанның Еңбек Ері”, екі мәрте ҚР Мемлекеттік сыйлығының лауреаты, Дүниежүзілік денсаулық сақтау ұйымының Леон Бернард атындағы сыйлығының иегері. Ол Қазақ тағамтану Академиясының негізін қалаушы және тұрақты президенті.
Академия Төрегелді Шармановтың басқаруымен тағамтану саласында іргелі және қолданбалы ғылыми зерттеулер жүргізу үшін бірегей база құрды. Зерттеулер салауатты тамақтану, азық-түлік қауіпсіздігі, балалар және функционалдық тағамдық өнімдерді құрастыру, ғарышкерлер мен әскери қызметкерлерге арналған тағам өнімдерін әзірлеу салаларына бағытталған.
«Нутрициология» кафедрасы 1994 жылы С.Ж.Асфендияров атындағы Қазақ ұлттық медицина университетінде ұйымдастырылды. Бұл кафедра посткеңестік кеңістіктегі алғашқы және жалғыз кафедра болып табылады, медициналық ЖОО-да студенттерді дайындау мақсатында қызмет атқарады.
Кездесуде «Нутрициология» кафедрасының құрылуының 30 жылдығына орай академик Т.Ш. Шармановтың есімін тағайындау рәсімі өтеді. Еске алу кездесуі барысында денсаулық сақтау саласының жетекшілері, ғалымдар және қоғам қайраткерлері қатысады.
Шара: 19 қазан 2024 жыл
Мекенжайы: Алматы қаласы, Клочков к-сі 66, ғимараттың кіреберісі және Қазақ тағамтану академиясының мәжіліс залы.
Бұл шара тағамтану ғылымы мен мамандар даярлаудағы маңызды жетістіктерді атап өту үшін ұйымдастырылған.